O‘ZBEKISTON AMALIY SAN’AT MUZEYI KOLLEKSIYASIDAGI XIX ASR OXIRI – XX ASR BOSHLARIGA OID ZARGARLIK BUYUMLARI: BADIIY VA TIPOLOGIK XUSUSIYATLARI

Abstract

Mazkur maqolada O‘zbekiston amaliy san’at muzeyi kolleksiyasida saqlanayotgan XIX asr oxiri – XX asr boshlariga oid zargarlik buyumlarining shakllanish tarixi, badiiy xususiyatlari va tipologik tarkibi ilmiy tahlil qilinadi. Tadqiqotda muzey fondlarida saqlanayotgan ayollar taqinchoqlari, ularning hududiy mansubligi, ishlov berish texnologiyalari, bezak tizimi hamda ramziy mazmuni o‘rganilgan. Buxoro, Xorazm, Toshkent, Samarqand, Surxondaryo, Farg‘ona vodiysi va Qoraqalpog‘iston hududlariga mansub zargarlik buyumlari qiyosiy tahlil qilinib, mahalliy zargarlik maktablarining o‘ziga xos jihatlari ochib berilgan. Shuningdek, muzey kolleksiyasining shakllanish bosqichlari, eksponatlarning ilmiy ahamiyati va ularni saqlash hamda ekspozitsiyaga qo‘yish masalalari ko‘rib chiqilgan. Tadqiqot natijasida O‘zbekiston amaliy san’at muzeyi zargarlik kolleksiyasi xalq amaliy bezak san’atining noyob namunalarini o‘zida mujassam etgan muhim tarixiy-madaniy manba ekanligi asoslangan.