AKMAL SAIDOV IJODIDA BADIIY TASVIR VA SAHNA YECHIMLARINING KONSEPTUAL ASOSLARI (“O‘ZBEK QIZI” BADIIY FILMI MISOLIDA)

Abstract

Mazkur maqolada O‘zbekiston kino san’atida yetakchi kino rassomlaridan biri Akmal Saidov ijodi san’atshunoslik va kino estetikasining nazariy tamoyillari asosida tahlil qilinadi. Tadqiqot rassomning badiiy tasvir va sahna yechimlariga bo‘lgan konseptual yondashuvi, makon, rang dramaturgiyasi, kompozitsiya va ramziy obrazlar orqali filmning g‘oyaviy-estetik mazmunini ochib berish uslublarini aniqlashga qaratilgan. “O‘zbek qizi” badiiy filmi misolida Akmal Saidov tomonidan yaratilgan dekoratsiya, kostyum, rekvizit va eskizlarning film badiiy yaxlitligini ta’minlashdagi roli ochib beriladi. Maqolada rassomning rejissyor va operator bilan ijodiy hamkorligi filmning vizual konsepsiyasini shakllantiruvchi muhim omil sifatida talqin qilinadi.

Keywords

kino rassomi, badiiy tasvir, sahna yechimi, rang dramaturgiyasi, kompozitsiya, ramziy obraz, dekoratsiya, vizual metafora, Akmal Saidov, “O‘zbek qizi”.